-Almmuhus-
-Almmuhus-
-Almmuhus-
KULTUVRAOhcalit muitobácci boazodolliid ja herggiid muitun

Ohcalit muitobácci boazodolliid ja herggiid muitun

-

-

Guoládatnjárgga sámit háliidit hukset muittobácci gudnejahttin dihtii boazodolliid geat ledje nuppi máilmmesoađis buorren veahkkin soahtevehkii. Dát galggai leat jo sajis, muhto ain galget reivvestallat eiseválddiiguin.

Cuoŋománus diibmá Murmánskka guovllu eiseválddit dohkkehedje jurdaga hukset sierra muitobácci daidda boazodolliide geat soahteáiggis iežaset herggiiguin veahkehedje soahteveaga.

– Juste dál ášši čovdojuvvo. Mii ohcat saji muittobázzái, dasa leat moadde molssaeavttu guovdu Murmánskka gávpoga, lohke guovllu ráđđehusa preassaossodagas dalle mediaide.

Dat ođas bekkii miehtá Ruošša riikamediain. Seammás ge lei illusáhkan sámiide. Earet eará illudii Lujávrri sámenisu Nina Ezhova, gean sáhttá gohčodit muittobácci jurdaga «eadnin». Muhto su illu ii guhká bistán.

Fáktadieđut

Soađeáiggi ledje hearggit molssaeaktun eará fievrruide, go dáppe eai lean geainnut ja dálvvit ges guhkit.

 

Soahteveaga dárbbuid dihte ásahedje sierra heargeossodaga mas sámi-, nenetsa- ja komiboazodoallit iežaset herggiiguin, ledje vuođđun.

 

Arkiivva dieđuid mielde heargeossodat veahkehii fievrredit badjel 17 tonna látta, 162 báhččon girdi ja doalvvui badjel 10 duháha roasmmohuvvan ja buohcci soalddáha.

 

Heargeossodat loahpahii iežas doaimma 1944:s go váldo Sovjet soahteveahka nagodii sirdit eret duiskalaččaid Gárjala ja Murmánskka guovlluin.

Gáldu: wikipedia

 

Ain reivvestallet

Badjel jahki lea gollan dan rájes go eiseválddit dohkkehedje muittobácci huksema, muhto ain sámit reivvestallama bokte ohcet vástádusa goas áigumuš šaddá duohtan.

Dan reivvestallanbarggu ja vástádusa ohcama lea váldán badjelasas ieš Nina Ezhova.

Nisu, gii áigu boahtte buolvvaide fievrridit muittu sáŋgar boazodolliid ja herggiid birra, imaštallá manne dilli lea nu:

– Manne dássážii eai leat mearridan min eiseválddit ášši vaikko jo diibmá lohpidan, gažada Ezhova. 

Ezhova lasiha vel:

– Orru leamen ahte eai hálit gudnejahttit daid geat ledje suodjaleame guovlu, loahpaha Nina Ezhova.


NINA EZHOVA.
Priváhtagovva

Ruhtadeapmi váilu

Ezhova muitala ahte reivvestallamis eiseválddiiguin vástidit sii ruhtadeami váilut. Dasto čálle ahte muitobázzái galgá gávdnat buori saji. Dát ii duhtat nissona.

– Dá lea áidna soahteveahkaossodat min guovllus mii ii leat gudnejahtton, čilge Nina Ezhova.       

 

 

Eará guovlluin jo leat muitobáccit

http://avvir.no/sites/avvir.no/files/379067.jpg” width=”600″ />
Muitobázzi Narjan-Mar gávpogis.
Govven: www.chumoteka.ru“>http://www.chumoteka.ru

Nanetsa autonoma guovllus huksejedje vuosttaš muitobácci guovvamánu 2012:s.

Dan dihte go soahteáiggi nenetsaboazodoallit 600 herggiin veahkehedje soahteveagaid Murmánskka ja Gárjala guovlluin.

http://avvir.no/sites/avvir.no/files/379065.jpg” width=”600″ />
Ná lea muittobázzi Komi republihkas.
Govven: Usinsk suohkana preassagovva.

Borgemánu dán jagi seamma ákkaid geažil Komi republihkas Ruoššas huksejedje muitobácci boazodolliide ja herggiide.

Komis vulge soahtái 316 boazodoalli, 1681 hearggi ja 44 boazobeatnaga.

 

 

 

 

 

 

-Almmuhus-