Go juovlabiebmu lea vudjon ja skeaŋkat leat rahppon, de álgá boahtte jagi luopmoplánen olbmuin. Boahtte vihtta vahkku diŋgojit Norgalaččat mátkkiid sullii 724 milliuvnna ovddas, čájehit logut maid Norgga stuorámus luopmolágideaddji árvvoštallá.
Go juovlabiebmu lea vudjon ja skeaŋkat leat rahppon, de álgá boahtte jagi luopmoplánen olbmuin. Boahtte vihtta vahkku diŋgojit Norgalaččat mátkkiid sullii 724 milliuvnna ovddas, čájehit logut maid Norgga stuorámus luopmolágideaddji árvvoštallá.
– Juovllaid álget olbmot plánet luomu. Sihke luomu bearrašiin ja olbmáiguin. Go mis lea luopmu, de lea dilli plánegoahtit boahtte luomu. Google ohcansiiddus oidno ahte olbmot jo álget juovlaruohta ohcat mátkkiid, diibmu ovccis eahkedis, muitala Ving kommunikašuvdnadirektevra Tonje Løkaas.
Mátkefitnodat rehkenastá ahte boahtte vihtta vahkku diŋgojit olbmot 87 500 mátki, mat oktiibuot gártet máksit sullii 724 milliuvnna ruvnno.
– Dat lea 2500 vuvdon mátki juohke beaivvi, 104 diimmus dahje 1,7 mátki minuhtas, muitala Fossum.
Mallorca eanemus geasuheaddji
Lea vuosttažettiin Gaskamearra mii geasuha norgalaččaid geassái, ja lea Mallorca mii čájehuvvo fas leat dán geasi bivnnuheamos luopmobáiki.
– Eai leat dušše norgalaččat leat liikojit Mallorca. Eurohpalaččat maid vulget dohko, muitala Fossum.
Son lasihastá ahte bearášjoavkkut leat lassánan mátkkošteaddjin, ja sii leat árabut diŋgot mátkkiid dál go ovdal.
– Erenoamážiid bearášjoavkkut geat háliidit basseaŋga lahka leat, ja stuora ásodagat máŋgga buolvva bearrašiidda mannet jođánit.
Mátkefitnodat lea ovdagihtii rehkenastán ahte birrasii 660 000 norgalačča áigot diŋgot liegga riikii mátki geassái.
Viđa guvlui eanemus diŋgojuvvon mátkkit dán geasi:
1. Mallorca
2. Kreta
3. Gran Canaria
4. Rhodos
5. Kypros
