Guokte turistta galggaiga vázzit Ábeskovus Ruoŧas gitta Norgii ja Áhkánjárgii, muhto eaba joavdan sotnabeaivvi dohko gosa leigga plánen. Dan dihte ohcagohte politiijat sudno.
Ruoŧa bolesat válde dan dihte oktavuođa Norgga politiijaiguin ja bivde sin veahki ohcat láhppon turisttaid duoddaris. Norgga politiijat ohcagohte turisttaid, sihke Rukses Ruossa, ja gádjunhelikopter veahkehedje ohcat sudno.
– Mánnodaga eahkesbeaivvi gávnnaimet dan guokte turistta dearvan muhtin barttas Norgga bealde. Nu čállá SVT Norrbotten.
