UiT-Norgga arktalaš universihtehta lea dutkamin ja ovdánahttimin gárvvesčanastaga mii fuomáša olbmos dávddaid árrat. Olusat háliidit searvat, muhto sii dárbbašit eanet albmáid.
Smartplaster dahje gárvvesčanas maid gründerfitnodat Mode Sensors lea ráhkadan ja ovdánahttán, galgá fuomášit olbmos hui árrat dávddaid go mihtida laktasa rupmašis. Gárvvesčanastagas lea smávva sensor dahje ráhkkanus mii mihtida man olu čáhci lea oaččis, muhto ii guoska varrii. Dát «smartplaster» sáhttá gulahallat smartatelefovnnain go sádde váruhusa geavaheaddjái dahje dearvvašvuođabargovehkiide geat sáhttet dalán njulget ášši. UiT galgá daid boahttevaš mánuid dutkat mo gárvvesčanas doaibmá. Dat giddejuvvo sealgái ja mihtida laktasa rupmašis.
– Moadde vahkku dás ovdalis álggiimet dutkama mottiin eaktodáhtolaš olbmuiguin geat galge juhkat ja borrat iešguđetlágan borramušaid. Mii háliidit dutkat mo dat váikkuha rupmaša sálte- ja laktasa dássái, lohká UiT medisiinnalaš biologiija Instituhta vuosttaš amanueansa ja prošeavtta dutkanjođiheaddji Anne Dragøy Hafstad preassadieđáhusas.
Dás gávdná eambbo dieđuid.
