-Almmuhus-
-Almmuhus-
SMÁVVAOĐĐASATOfelastimat Sámedikkis dán geasi

Ofelastimat Sámedikkis dán geasi

Journalista

-

-

Sámediggi fállá ofelastimiid guđa geardde beaivái juohke árgabeaivvi geasseáigodagas, mii lea geassemánu 24. beaivvi rájes gitta borgemánu 16. beaivvi rádjái 2024.

Dasa lassin lea maid vejolaš oažžut digitála ofelastima sámediggevisttis, appa dahje video bokte. Ofelastimat leat mánnodagas bearjadahkii juohke vahku. Jus háliida ofelastima, de galgá boahtit resepšuvdnii, ii dárbbaš dieđihit searvama ovdagihtii. Ofelastingiellan leat dárogiella, sámegiella ja eŋgelasgiella. Juohke ofelastin bistá sullii 30 minuhta, čállá Sámediggi.

Ofelastin appa bokte

Sámediggi fállá maid ofelastima gussiide giehtatelefovnnas, sierra appa bokte man namma lea Voice of Norway (VON). Fálaldat lea nuvttá, lea olámuttos buohkaide ja sáhttá geavahuvvot vaikko goas jándoris.

– Appas gulat eanet Sámedikki duogáža birra, earret eará manne lea ásahuvvon. Gulat maid Sámedikki doaimmaid birra sihke nationála ja riikkaidgaskasaš dásis, ja leat maiddái dieđut Sámedikki arkitektuvrra ja dáiddačoakkáldaga birra. Muitalit maid oasážiid sámi historjjás ja kultuvrras, ja guldaleaddjit besset maid guldalit Sámedikki čáppa luođi, čállá Sámediggi.

Olbmot geat galledit Kárášjoga sáhttet viežžat Sámedikki ruvtto (jietnabálgá) appas. Go leat Sámedikki olggobealde, de muitališgoahtá appa automáhtalaččat iešguđet jietnamuitalusaid dađistaga go váccaša Sámedikki birra. Fálaldat lea dárogillii ja eŋgelasgillii.

-Almmuhus-