Sámi ofelaččat leat New Yorkas, čuovvume Ovttastahtton Našuvnnaid bissovaš eamiálbmotforuma. Sii leat aiddo ollen gávpogii ja sis lea oalle ollu prográmmas dán čuovvovaš vahkku.
Sámi ofelaččat leat New Yorkas, čuovvume Ovttastahtton Našuvnnaid bissovaš eamiálbmotforuma. Sii leat aiddo ollen gávpogii ja sis lea oalle ollu prográmmas dán čuovvovaš vahkku.
Juohke jagi oassálastet Sámi ofelaččat Ovttastahtton Našuvnnaid bissovaš eamiálbmotforuma čoahkkimis New Yorkas.
Dál leat dán jagáš ofelaččat ollen New Yorkii.
– Lea hui ártet go viimmat leat dáppe. Mii leat illudan nu guhká! Lávvardaga lei mis friddjabeaivi ja beasaimet gávpoga návddašit. Sotnabeaivvi rájes lea mis leamaš áibbas dievva prográmma iđđedis eahkedii. Mii illudat čuovvut čoahkkima. Lea hui miellagiddevaš deaivvadit eará eamiálbmotnuoraiguin ja gullat sin muitalusaid ja vásáhusaid birra, dadjá ofelaš Maja Fjellström.
Loahppamátki
Sámi ofelaččat čuvvot čoahkkima cuoŋománu 24. – 28.beaivvi.
– Dát leat maid ovtta daid maŋimuš vahkkuin ahte mii mátkkoštat ofelažžan, nu ahte dát lea hui fiinna loahpahanmátki, dadjá Ole Nicklas Mienna Guttorm.
Logaldallet ON internašunála skuvllas
Sámi ofelaččat galget maid doallat logaldallama ON internašunála skuvllas.
– Mun illudan gullat makkár gažaldagaid mii oažžut. Soitet boahtit eará gažaldagat go dan maid mii dábálaččat oažžut Norggas, dadjá Knut Mikkel Hætta.
Lea 16. ON bissovaš eamiálbmotforumčoahkkin. Dat bistá cuoŋománu 24. beaivvis gitta miessemánu 5. beaivái. Dán jagi fáddán lea ON eamiálbmotjulggaštus logijagiávvudeapmi ja mo dát lea duohtan dahkkon.
