Sámi ofelaččat leat dán vahkku galledeamen skuvllaid Saltenis Nordlándda fylkkas.
– Dán vahkku lean ruovttu šiljus, go Nordlánda lea mu ruovttufylka. Illudan oahpahit miellanordlándalaččaid sámiid birra, dadjá Nathaniel Holan Larsen.
UNESCO áitojuvvon gielaid listtus lea bihtánsámegiella garrasit áitojuvvon, dahje masá jávkan. Odne ii hála oktage bihtánsámegiela beaivválaččat Norggas, čuožžu preassadieđáhusas.
– Šaddá somá doallat logaldallama bihtánsámi guovlluin. Olu guovllut leat hui dáruiduhtton, nu ahte jáhkán šaddá hui dehálaš čalmmustahttit ja muitalit bihtánsámi kultuvrra birra mii dáppe lea, dadjá Ida Emilie Marakatt Lindseth.
