Jus áiggut jienastit ovdal válgabeaivvi, de fertet fargga doamihit.
Dán čavčča suohkanstivrra- ja fylkkadiggeválggaide Norggas sáhttá ovddalgihtii jienastit vel ihttin bearjadaga.
Dan maŋŋel sáhttá dušše jienastit válgabeaivvi dan suohkanis gosa gulat álbmotregistara mielde.
Measta bealli Norgga suohkaniin lágidit guokte válgabeaivvi, sihke sotnabeaivvi ja mánnodaga. Muhto olu suohkaniin lea dušše okta válgabeaivi.
665.000 leat jienastan
Norga lea okta dain riikkain gos lea guhkimus jienastanáigodat, muitala Válgadirektoráhtta.
Dán jagi lea sáhttán jienastit borgemánu 12 .beaivvi rájes gitta čakčamánu 6.beaivvi rádjai.
Duorastat iđiida ledje lohkan 665.000 ovddalgihtiijiena.
Dat leat measta 235.000 eambbo go seamma áigge ovddit suohkan- ja fylkkadiggeválggain.
(©NTB)
