-Almmuhus-
-Almmuhus-
VALÁŠTALLAN Odne mearriduvvo sámi riikkajoavkku boahtteáigi

Odne mearriduvvo sámi riikkajoavkku boahtteáigi

-

-

FA Sámi spábbačiekčanlihttu stivrračoahkkimis odne, mearridit galgá go sámi riikkajoavku geahččalit beassat Conifa WorldCupii.

NRK Sámi dieđuid mielde lea FA Sámis stivrračoahkkin Romssas odne. Dán čoahkkimis mearridit galgá go sámi riikkajoavku geahččalit beassat mielde Conifa WFC2016 čiekčamiidda.

 

Dát čiekčamat álget miessemánu 28. beaivvi Sukhum-gávpogis Abkhazias , gos loahppačiekčamat leat geassemánu 5. beaivve.

Čiekčamat lea Dinamo čiekčanbáikkis, gosa 4300 geahčči čáhket. 21 joavkku leat jo dieđihan mielde čiekčamiidda, ja FA Sápmi lea okta joavkkuin mat leat bovdejuvvon searvat. Čiekčamiidda dattege eai beasa eambbo go 12 joavkku searvat, nu šaddá garra gilvu beassat mielde.

Conifa lágida dán jagi goalmmát geardde máilmmecupa, mannan jagi cupa lágiduvvui Staares, gos FA Sámis oassálasttii joavku.

- Advertisement -
-Almmuhus-