Odne dollet Porsáŋggu, Kárášjoga ja Guovdageainnu suohkanat suohkanstivračoahkkimiid, gos galget mearridit áigot go ovttastahttot eará gielddaiguin.
Odne dollet Porsáŋggu, Kárášjoga ja Guovdageainnu suohkanat suohkanstivračoahkkimiid, gos galget mearridit áigot go ovttastahttot eará gielddaiguin.
Buot golmma gielddas leat oktanas gielddastivrračoahkkimat, gos galget mearridit áigot go ovttastahttot eará gielddaiguin.
Signaliseren ahte eai hálit
Porsáŋgu lea árabus signaliseren ahte dáhttot bissut sierra gieldan. Seamma lea Guovdageaidnu ja Kárášjohka. Dát guokte gieldda galgaba odne mearridit háliidit go ovttastahttot.
Guovdageainnus lea maid vejolaš ovttastahttot Álttáin, Láhppiin ja Návuona suohkaniiguin. Eai dasa ge leat Guovdageainnus leamaš nu mielas dássážii.
Gielddareforpma oktavuođas lea Guovdageaidnu ráhkadahttán máŋga raportta main bohtet ovdán vejolaš váikkuhusat jus suohkan ovttastahtto eará suohkaniiguin.
