Odne, skábmamánu 29. beaivvi, lea sámi almmolaš levgenbeaivi. 2017 konferánssas Tråanttes dat mearridedje ahte skábmamanu 29. beaivi šaddá almmolaš sámi levgenbeaivin.
Levgenbeaivi lea muittuhussan Elsa Laula Renberga riegádanbeaivái. Son riegádii skábmamánu 29. beaivvi 1877 Jiengesovvenes olggobealde Vualtjere.
Ulbmil lea muitit Elsa Laula Renberga ja galgá ávvuduvvot olles Sámis jagi 2017 rájes. Dat lei SNF – Sámi Nisson Foruma evttohus.
Elsa Laula Renberg lei okta dain geat lágidedje vuosttaš stuorra sámečoahkkima Tråanttes guovvamánu 6. beaivvi 1917. Sámeráđđi dat mearridii dán almmolaš sámi levgenbeaivvi.
