-Almmuhus-
-Almmuhus-
OĐĐASAT Odne leat girkut spagga dievva

Odne leat girkut spagga dievva

-

-

Jus leat girkui ráhkkaneame odne vuolgit, de ii leat okto. Bealle miljovnna norgalačča finadit odne girkus.

Diibmá čuovvu badjel 500 000 olbmo ipmilbálvalusaid juovlaruohta Norgga girkuin.

Dán jagi vurdet seamma olu olbmuid: – Juovlaruohta sáhttá measta moivi šaddat girkuid olggobealde, go nu oallugat galget leat ipmilbálvalusaide jođus. Girkut leat spagga dievva. Mu báikkálaš girkus leat juovlaruohta njeallje ipmilbálvalusa, muitala Norgga Girkoráđi jođiheaddji Kristin Gunleiksrud Raaum Dagsavisenii.

Olu eanet go dábálaš sotnabeivviid

Statistihkalaš guovddášdoaimmahaga loguid mielde gallededje 537 027 olbmo Norgga girkuid juovlaruohta diibmá. Girkoráđi jođiheaddji lohká ahte árvvoštallet ahte dán jagi bohtet maid badjel 500 000 olbmo finadit ipmilbálvalusain Norgga girkui juovlaruohta.

Dat lea mealgat eanet go dábálaš sotnabeaivvi.

Dievva girkut

Lea stuora gávpogiid girkuin gos juovlaruohta sáhttá šaddat oalle dievva.

Oslos ledje diibmá gaskamearálaččat 329 olbmo juohke ipmilbálvalusas mii dollojuvvui juovlaruohta. Davvi-Hålogalánddas čuvvo ges gaskamearalaččat 159 juohke ipmilbálvalusa mannan juovlaruohta. (©NTB)

- Advertisement -
-Almmuhus-