-Almmuhus-
OĐĐASATOdne boahtá diehtu gosa beasat mátkko­štit guokte vahkku ovddos

Odne boahtá diehtu gosa beasat mátkko­štit guokte vahkku ovddos

-

-

Oallugat vuorddašit oažžut vástádusa dasa ahte makkár riikkat šaddet «ruonádin» ja makkár riikkat šaddet «ruoksadin» guokte boahttevaš vahkku. Odne diibmu 14 boahtá vástádus. 

Álbmotdearvvašvuođa rádji dasa ahte sáhttá go muhtin riikka rahppojuvvot mátkkošteapmái, lea ahte riikkas fertejit unnánat go 20 koronabuohcci juohke 100 000 ássis. Dasa lassiin fertejit unnánat go vihtta proseantta koronaiskosiin leat positiiva. 

Jáhkkimis rahpet muhtin báikkiide Ruoŧas

Ráđđehus rahpá jáhkkimis mátkkošteami muhtin báikkiide Ruoŧas, muhto leat olu riikkat Eurohpás mat bohtet ain leat nu gohčoduvvon «rukses» riikkat – gosa ii leat lohpi mátkkoštit. Spánia lea okta riikkain mii jáhkkimis šaddá rukses riikka, go Álbmotdearvvašvuođa instituhtta ovdalis dán vahkku lea dieđihan ahte njoammun lassána Spánias. 

-Almmuhus-