Guovvamánu 21. beaivi lea eatnigielaid beaivi, ja ON ávžžuha buot miellahtturiikkaid dan ávvudit.
Guovvamánu 21. beaivi lea eatnigielaid beaivi, ja ON ávžžuha buot miellahtturiikkaid dan ávvudit.
Odne lea Ovttastuvvon Našuvnnaid (ON) máilmmiviidosaš eatnigielaid beaivi.
– UNESCO bovde iežas miellahtturiikkaid ávvudit dán beaivvi nu olu gillii go sáhttet. Beaivi lea muittuhussan ahte gielalaš máŋggabealátvuohta ja máŋggagielatvuohta lea dehálaš ovdáneapmái, čállá ON iežaset neahttasiidui dán beaivvi birra.
UNESCO lea ON oahpahus-, dieđa-, kultur- ja gulahallanorganisašuvdna.
19. ávvudeapmi
Beaivi lea ávvuduvvon jagi 2000 rájes, ja beaivi galgá ovddidit gielalaš ja kultuvrralaš máŋggabealatvuođa.
Dát dáhton válljejuvvui go juste dán beaivvi, 1952:s, godde politiijat studeanttaid Dhakas, geat ledje demonstrereme iežaset eatnigiela ovddas.
Máilmmis gávdnojit gaskal 6000 ja 7000 giela, ja bealli dain sáhttet jávkat. Dát beaivi lea oassin dan fuomášuhttimis.
Norggas leat 16 iešguđet giela eatnigiellan, Ruoŧas 23 giela, Suomas 19 giela ja Ruoššas leat olles 137 iešguđetlágan giela eatnigiellan.
Riika gos leat buot eanemus gielat lea Papua Ny-Guinea, gos leat 837 iešguđet giela.
