Maŋimuš mánuid juohke jagi barget nissonolbmot «nuvttá» jus buohtastahttá sin bálkkáid dievdoolbmuid bálkkáiguin.
Maŋimuš mánuid juohke jagi barget nissonolbmot «nuvttá» jus buohtastahttá sin bálkkáid dievdoolbmuid bálkkáiguin.
Norggas dine nisu birrasii 87 ruvnnu juohke 100-ruvnnu ovddas man dievdu dine, čájehit Statistihkalaš guovddášdoaimmahaga logut mat ilbme nissonbeaivvi njukčamánu 8. beaivvi.
Sosialisttalaš gurutbellodat háliidivčče ásahit Islándda dássebálkálága vai bálkáerohusat eai livčče nu stuorrá.
– Islánddas fertejit fitnodagat dokumenteret ahte mákset seamma olu bálkká seamma barggu ovddas, jus dán šluhttejit de sáhkohallet. Nu go dál lea dilli, de manná bargu dássebálkká ektui nu njozet ahte eat olat dan Norggas ovdal vásset unnimusat 40 jagi. Dat čájeha ahte ráđđehusas váilu aktiivvalaš dásseárvopolitihkka ja danin dárbbašit doaibmabijuid, lohká Sosialisttalaš gurutbellodaga stuorradiggeáirras Freddy André Øvstegård NTB ođasdoaimmahahkii.
