Vaikko oddsa fitnodaga einnosteapmi movttiidahttá, de ii leat politihkar njunnoša mielas áibbas buorre go speallat sáhttá gii šaddá sátnejođiheaddjin.
Vaikko oddsa fitnodaga einnosteapmi movttiidahttá, de ii leat politihkar njunnoša mielas áibbas buorre go speallat sáhttá gii šaddá sátnejođiheaddjin.
Kárášjoga gielddas lea Betsson árvidan Bargiidbellodaga Svein Atle Somby šaddat sátnejođiheaddjin maŋŋel válggaid, ja maiddái árvida 12 gielddas Finnmárkkus šaddat Bargiidbellodaga sátnejođiheaddjin. Somby lohká dat dieđusge movttiidahttá go lea jáhkku sidjiide, muhto dieđusge eai áiggo čohkkát ja vuordit ahte galget su jienastit.
– Dál easka álgá válgagizzu albma láhkái ja mii fertet bargat ovddidit min politihka.
(Ášši lea almmuhuvvon báberaviissas 15.08.15)
Váimmuin jienastit
Somby lohká ii soaitte áibbas buorre ahte speallat sáhttá gii šaddá sátnejođiheaddji, muhto jáhkka ahte olbmot gal smihttet gean jienastit.
– Unna servvodagažiin šaddá dego persovdnaválga ja politihkkarat šaddet ollu lagabus go stuorit báikkiin. Danne jáhkán olbmot gal beroštit makkár bellodaga jienastit ja nu maid gean háliidit galgá čohkkat gielddastivrras, aŋkke sávan goit nu lea. Mun jáhkán olbmot beroštit servodagas ja jienastit váimmu mielde, iige ruhtaspealu mielde, lohká Somby.
