Sameálbmot Bellodat / Samefolkets Parti ovddida ođđasit nammaášši Unjárgga ovdagoddái ja árvala bidjat sihke sámi ja dáru nama gieldda guovddážii. Nu šattašii ođđa čujuhus namma 9840 Vuonnabahta/Varangerbotn, mas sámi namma lea vuosttažin.
Sameálbmot Bellodat / Samefolkets Parti ovddida ođđasit nammaášši Unjárgga ovdagoddái ja árvala bidjat sihke sámi ja dáru nama gieldda guovddážii. Nu šattašii ođđa čujuhus namma 9840 Vuonnabahta/Varangerbotn, mas sámi namma lea vuosttažin.
Nu lohká bellodaga gielddastivrra joavkojođiheaddji, Bjarne Store-Jakobsen. Báikenamalága mielde galgá sámi namma vuosttažin go geavaha sihke sámi ja dáru namaid dain gielddain gos sámit leat eanetlogus ja mat leat mielde sámegiela hálddašanguovllus.
– Mii maid evttohat duppalnamaid daidda báikkiide maidda gielddastivrra eanetlohku ovddit háve mearridii dušše fal dáru nama. Sámi namaid geavaheapmi lea deatálaš vai árbevirolaš namat eai jávkka. Sámi namat maid deattuhit ahte Unjárga lea sámi gielda, lohká Bjarne Store-Jakobsen.
Sihke sámi ja dáru namat
Ovdamearkan das lea Viešnjárga, mii dál lea šaddan Hammernes. Dasa ferte bidjat sihke sámi ja dáru nama. Maiddái eará báikkiide ferte árvvoštallot duppalnamaid, vai sámi namat bissut anus, deattuha SáB/SfP.
Dán vuoru ferte ovdagoddi dárkilit árvvoštallat buot namaid maid ovddit háve ii meannudan. Go ovdagoddi ii geargan buot namaid árvvoštallamis, de han eanaš namat, mat biddjojedje ovdan gielddastivrii, ledje nammalávdegotti evttohusat.
– Dál leat boasttu áddejumit čorgejuvvon ja ovdagottis lea vejolaš ovddidit evttohusaid mat čuvvot lága, lohká Bjarne Store-Jakobsen.
