-Almmuhus-
SMÁVVAOĐĐASATOđđajage­ruohtta sáhttá šaddat unohassan unnimusaide

Ođđajage­ruohtta sáhttá šaddat unohassan unnimusaide

-

-

Ođđajageruohtta lea jagi deháleamos feastaeahket olusiidda, muhto jus mánát leat lahkosis, de ferte jurdilit.

Dál čájeha guorahallan, man Ipsos lea čađahan Av-og-til organisašuvnna ovddas, ahte Romssas ja Finnmárkkus oaivvildit olbmot ahte lea menddo olu alkoholanávddašeapmi mánáid ovddabealde ođđajageruohta.

– Muitte ahte mánát eai sáhte guođđit feastta go sidjiide lea doarvái, muittuha Av-og-til generálačálli Ragnhild Kaski preassadieđáhusas.

Kaski ávžžuha váhnemiid jurdilit.

– Muitte gokko rádji lea, ja goas ii leat šat somá mánáide. Go mii jearrat mánáin, de dadjet ahte nulla, okta dahje guokte glása alkohola lea doarvái.

Heajos eahket

Ođđajageruohtta lea eahket jagis go eai leat olu njuolggadusat. Mánát gohcet guhkit vai sáhttet geahččat rakeahtaid, ja de oidnet maid mii dáhpáhuvvá feasttas.

– Ođđajageruohtta sáhttá leat issoras unnimusaide. Rahkeahtat bávket ja eahket sáhttá oalle moivvas. Jus rávisolbmot vel rigerejit lassin ja láhttejit earáládje go muđui, de sáhttá unnimusaide šaddat oalle heajos ja unohis eahket, deattuha Kaski.

-Almmuhus-