2022 ođđajagemánu vuosttaš beaivvi rájes geahpeduvvui B-vuodjinkoartta divat 2.020 kruvnnas 1.590 kruvdnii. – Beassat vuodjit biillain lea dehálaš mihttomearri olu nuoraide, muhto máksá oalle olu. Mun lean ilus go divadat leat geahpeduvvon veaháš, lohká johtalusministtar Jon-Ivar Nygård.
Stáhta geaidnodoaimmahat lea dárkkistan iežaset rehkenastima, sihkarastin dihtii ahte divadiid máksu gokčá bálvalusaid. Dasa lassin lea dat muddejuvvon servodaga haddegoargŋuma ektui. Maŋŋá muddema, de lea muhtin johtolat- ja vuojánbálvalusat šaddan hálbbit ja eará fas divron. Ovdamearkka dihtii vuodjit biilavuodjinkoartta B luohká haddi lea veahá hálbon ja teoriijageahččaleami haddi vuoliduvvon 650 kruvnnas 350 kruvdnii, muhto vuodjin mohtorsihkkel vuodjinkoartta lea divron 1.160 kruvnnas gitta 1.880 kruvdnii. Stáhta geaidnodoaimmahaga neahttasiiddus gávdná daid ođđa hattiid.
Measta 150.000 olbmo vudje vuodjinkoartta diibmá. Ná olusat eai leat ovdal dahkan. Stáhta doaimmahaga logut čájehit ahte 2021:s vudje 10 proseantta eanet 18-jahkásaččat koartta go jagi 2020:s.
– Biila lea dehálaš olusiidda, erenoamážit gos kollektiivafálaldat ii leat nu buorre. Juohke jagi bohtet ođđa biilavuoddjit geainnuid ala ja lean ilus go vuodjinkoartta oahpahus Norggas lea buorre. Dán oahpahusa kvalitehta lea dehálaš doalahit ja ovdánahttit, nu ahte buohkat Norggas sáhttet dorvvolaččat vuodjit norgga geainnuid alde. Jáhkán olusat liikojit ahte šaddá hálbbit vuodjit vuodjinkoartta, lohká johtalusministtar Jon-Ivar Nygård preassadieđáhusas.
