-Almmuhus-
-Almmuhus-
OĐĐASATOđđa vuohki movt hehttet duhpáhiid vuovdit vuolleahkásaččaide

Ođđa vuohki movt hehttet duhpáhiid vuovdit vuolleahkásaččaide

-

-

Ođđajagi rájes galget suohkanat álgit dárkkistit ahte fitnodagat eai vuovdde duhpáhiid ja snuvssaid vuolleahkásaččaide, go dál šaddet buot vuovdinbáikkit registreret duhpátvuovdinregistarii.

Stuoradiggi lea ásahan ođđa dieđihan- ja bearráigeahččoortnega, mii skábmamánu vuosttaš beaivvi rahppui. Jahkemolsašuma maŋŋel leat suohkanat main lea ovddasvástádus čađahit duhpátbearráigeahču sin suohkanis, ja Dearvvašvuođadirektoráhtas lea ovddasvástádus bearráigeahččat duhpátgrossisttaid.

 

Duhpátkeahtes nuorat

– Mis lea guhkit áiggi mihttu olahit duhpátkeahtes nuoraidbuolvva. Vai olahit dan mihttu, de lea dehálaš ahte duhpátvahátláhka doalahuvvo, ja ahte duhpáhiid ja snuvssaid eai vuovdde sidjiide geat leat vuollel 18 jagi boarrásat, dadjá Dearvvašvuođadirektoráhta ossodatdirektevra Jakob Linhave.

 

Ferte dieđihit ovdal jahkemolsašumi

– Dieđiheapmi registarii ferte dahkkot maŋimuštá juovlamánu 31. beaivvi 2017. Ii leat lohpi vuovdit duhpátgálvvuid jus ii leat dieđihan fitnodaga vuovdima registarii, deattuha Linhave.

 

Ulbmil dáinna registariin lea suohkaniidda addit oppalašgova guđe báikkit vuvdet duhpátgálvvuid ja e-sigareahtaid nu ahte sáhttet dárkkistit daid báikkiid. Juohke báiki galgá dárkkistuvvot unnimusat oktii jagis.

Duhpátvahátlága ulbmil lea hehttet mánáid ja nuoraid borgguhišoahtit dahje snuvssaid borrat. Stuora oassi sis geat borret snuvssaid ja álget borgguhit ledje vuollel 18 jagi boarrásat go álge, ja dan dihte lea dehálaš doalahit ahkemeari mii lea 18 jagi duhpáha ja snuvssaid vuovdimis.

-Almmuhus-