Norgga e-dearvvašvuođasearvi PatientSky áigu dahkat álkibun dearvvašvuođa bargiide ja olbmuide álkit ja sihkkarit oažžut dárbbašlaš dearvvašvuođadieđuid.
– Odne šaddet dearvvašvuođabargit ja pasieantat iešguđetlágan vuogádagaid ja bálvalusaid čađa gulahallat ja juogadit dieđuid. sihkkarastin dihte buoremus gieđahallama, ferte dearvvašvuođabargiin leat jođánis, álkis ja sihkkaris beassanlohpi buot dárbbašlaš dieđuide, lohká PatientSky hálddašeaddji direktevra, Jesper Melin.
E-dearvvašvuođageavahanvuogádagain PatientSky 360 Plattform áigu Melin dahkat vejolažžan almmolaš ja priváhta e-dearvvašvuođaaktevrraide ovttasbargat, juogadit dieđuid ja ovdánahttit ođđa čovdosiid boahtteáiggi dearvvašvuođa bálvalussii.
“Okta pasieantta, okta journála”
Stuoradikki dieđáhus “okta ássi, okta journála” dohkkehuvvui 2013:s, mas bođii ovdán ahte lea dárbu oktasaš IKT-čovdosii dearvvašvuođabálvalusas, mii galgá sihkkarastit buoret gulahallama dearvvašvuođa bargiid ja pasieanttaid gaskkas, seammás go lea dárbu oažžut sadjái čovdosiid mat sihkkarastet dearvvašvuođa bargiide beassanlobi dárbbašlaš dearvvašvuođadieđuide pasieanttaid birra, beroškeahttá gos pasieantta lea ovdal leamaš divššus.
Ráđđehus lea guhká bargan čuovvut Stuoradikki dieđu “akson” e-dearvvašvuođaprošeavttain, mas ulbmiliin lea ovddidit suohkanlaš journála, mii galgá leat gárvvis logi jagi geahčen ja lea vurdojuvvon ahte prošeakta boahtá máksit 12 miljárdda ruvnno.
– Leat govdadat go sáhttit dadjat ahte mii dáinna vuogádagain sáhttit olahit mihtu ovdánahttit oktasaš journála, olu oanehet áiggis ja olu hálbbibun go maid ráđđehus lea rehkenastán, lohká Melin.
© NTB
