Fargga lea Guovdageainnus ođđa mánáid- ja nuoraidskuvla. Iešalddis lea buorre go boares skuvlla sadjái dál boahtá ođđa skuvla mii lea heivehuvvon dála gáibádusaide. Boares skuvla lei sihke boaresáigásaš ja boaris.
Lea dovddus ášši ahte Guovdageainnu skuvllaid ohppiin eai leat nu buorit bohtosat našunála geahččalemiin. Lea daddjon ahte geahččaleamit eai leat heivehuvvon sámegielat ohppiide. Muhto dassážii go dát lea njulgejuvvon, de lea dárbu jođánepmosit dahkat juoidá.
Mii diehtit ahte miehtá Norgga váilot oahppan oahpaheaddjit ja nu maid Guovdageainnus.
Guovdageainnu Ovddádusbellodat háliida ásahit ođđa virggiid fágaolbmuide geain lea spesialiserejuvvon oahppu mánáid ja mánáid láhttema birra, vai oahpaheaddjit besset bidjat návccaid oahpahit fágaid. Dáinna lágiin ožžot oahppit geain leat hástalusat skuvlaárgabeaivvis árrat veahki ja kártema. Dan vuođul de lea vejolaš bidjat johtui doaimmaid dahje fágalaš árvvoštallamiid vuođul heivehuvvon oahpahusa.
Guovdageainnu Ovddádusbellodat háliida ahte buot mánáin galgá leat oadjebas ja fiinna beaivi skuvllas.
Buorre válgá 2023 čavčča.
