Norgga ráđđehus háliida hukset ođđa vikiŋgamusea ja plánet ođđa oahpahusbáikki Troandimii.
Ráđđehus árvala atnit 35 miljovnna ruvnno Oslo universitehta Vikiŋgamusea divodeapmái ja ođđa vistái.
– Vikiŋgaáiggi árbi lea vearditmeahttun. Ođđa vikiŋgamusea sihkkarastá ahte boahttevaš buolvvain lea máhttu olamuttus ja ipmárdus deaŧalaš oasis Norgga historjjás, lohká dutkan- ja alitoahppoministtar Iselin Nybø (G) ráđđehusa preassadieđáhusas.
Dasa lassin evttoha ráđđehus earret eará 55 miljovnna Statsbyggii plánet ja prošekteret Ocean Space Laboratories ásahusaid SINTEF ja NTNU ovddas ja 40 miljovnna plánet ja prošekteret oktasaš universitehtacampusa NTNU:i Troandimis.
