SVT lea buvttadan ođđa oanehis dokumentáraráiddu mas lea namma «Jag var en lägre ras».
Ráiddus muitalit sámit, kvenat ja durdnosleagilaččat iežaset vásáhusaid birra mot Ruoŧa stáhta iskkai ja mihtidii sin oaiveskálžžuid.
Nearválaš Sture Karlsson oasálasta prográmmas, ja muitala iežas vásáhusaid mot son vásihii nálledutkama skuvllas. SVT Norrbottenii son čilge:
– Fertejin nuoladit álásin ja de govvejedje mu skuvllas 1950-logus. Eadni gažadii skuvlla, jearai manin sii dahke nu, muhto oaččui vástádussan ahte dat gulai skuvlla doibmii, dadjá son.
Ruoŧas dutke olbmuid 1952 rádjái, vaikko Ruoŧa Nállebiologalaš instituhtta lei heaittihan iežas doaimma.
TV-prográmma «Jag var en lägre ras» lea golmma oasis ja gávdno dál SVT Playas.
