Dán vahku lea leamaš našuvnnalaš museačoahkkin, gos válljedje sihke ođđa stivrra Sámi museasearvái ja sámi ovddasteddjiid eará musealihtuide ja –lávdegottiide.
Dán vahku lea leamaš našuvnnalaš museačoahkkin, gos válljedje sihke ođđa stivrra Sámi museasearvái ja sámi ovddasteddjiid eará musealihtuide ja –lávdegottiide.
Fredrikstadas lea leamašan dán vahku našuvnnalaš museačoahkkin, ja doppe válljejuvvui Lars Magne Andreassenn, Árranis, Norgga musealihtu stivrii.
Dasa lassin válljejuvvui doppe ođđa stivra Sámi museasearvái mii lea organiserejuvvon Norgga musealihtu ossodahkan.
Stivrra ođđa jođiheaddji lea Henrik Olsen (Davviálbmogiid guovddáš) ja stivralahttu lea Marit Myrvoll (Várdobáiki).
Dasa lassin leat stivrras vel Margrethe Vars (RiddoDuottarMuseat), Lisa Dunfjell-Aagård (Saemien sijte) ja Oddmund Andreassen (Árran).
– Bååstede ja máhcahit sámi kulturárbbi čuovvoleapmi lea okta dain deháleamos áššiin mainna Sámi museastivra háliida bargat boahttevaš jagiid, ja háliidit maid leat mielde politihkkaovdáneamis mii lea museasuorggis, lohká Henrik Olsen.
Norgga ICOM
Dasa lassin lea Birgitta Fossum (Saemien sijte) válljejuvvon ođđa stivralahttun Norgga ICOM:i (International Council of Museum).
Govvida čuođi jagi ávvudeami
Našuvnnalaš museačoahkkin lea oktii jagis ja čohkke buot museaid mat leat Norgga museasearvvis miellahttun.
Dán jagi lea fáddán ovttaveardásašvuohta, ja prográmma govvida čuođi jagi ávvudeami lossa ovdanbuktima sámi prográmmaovdanbuktimis.