Válljejuvvon jođihit Norggas falástallansuorggi.
Guovdageainnu ovddeš sátnejođiheaddji, Klemet Erland Hætta, válljejuvvui ikte jođihit Norgga skutercrossa ossodaga. Maŋemus jagi son lea doaibman nubbejođiheaddjin, muhto dál válljejuvvui jođiheaddjin.
Guovdageainnu mohtorsearvvi ovddasteaddjit leat ge mannan vahkkoloahpa leamaš Gardermoenis, gos Norgga mohtorfalástallanlihttu leat jahkečoahkkima doallan.
Mohtorfalástallanlihttu lea ge juhkkon njealji oassái; mohtorsihkkelossodat, fanasfalástallan, radiobiila mohtorfalástallan ja skutercrossafalástallan. Hætta jođiha ge dál dan skutercrossfalástallanossodaga.
Guovdageainnu mohtorsearvvi jođiheaddji, Johan Mathis Gaup, válljejuvvui fas SNØFOR suorgejođiheaddjin, dan seamma jahkečoahkkimis.
