-Almmuhus-
-Almmuhus-
KULTUVRA Ođđa skearru sevdnjes vásáhusaid birra

Ođđa skearru sevdnjes vásáhusaid birra

-

-

– Joatkkaskuvllas vásihin vuosttaš geardde go badjelgehččojin iežan etnisitehta geažil, muitala ISÁK joavkku lávlu, Ella Marie Hætta Isaksen. Dál almmuha joavku skearru dan birra.

– Joatkkaskuvllas vásihin vuosttaš geardde go badjelgehččojin iežan etnisitehta geažil. 16-jahkásažžan fertejin vuosttaš geardde bealuštit go hupmen sámegiela. Láhtti mas čužžon orui dego gahčame, ja nu liikogohten alccen unnit ja unnit, dadjá ISÁK joavkku lávlu, Ella Marie Hætta Isaksen preassadieđáhusas.

Fárrolaga Aleksander Kostopoulosiin ja Daniel Erikseniin dagaha son joavkku ISÁK, mii bearjadaga almmuha skearru «Ealán». 

 

Dehálaš historjá

Skearruin sii muitalit historjjá mas oallugat sáhttet dovdat iežaset.

– Historjjá identitehta ja iešbadjelgeahččanvuođa birra. Dat oktonas dovdu go ii liiko alcces ja dovdat ahte buohkat du birrasis eai ge liiko ovtta oasi dus – ovtta oasi man it sáhte váldit eret. Historjá sihke buriid ja bahás diliid birra. Áigeguovdilis ja dehálaš historjá, čállá joavku preassadieđáhusas.

Bealli buot sámi nissoniin vásihit veahkaválddálašvuođa lagas birrasis muhtumin eallimis.

– Dát hávit eai savvo rabasvuođa haga, ja dál lea áigi dahkat dainna juoidá. Lea juoga mii lihkada Sámis, juoga mii lea rievdadusas. Buolvvas bulvii mii leat oahppan orrut jaska. Njozet, muhto sihkkarit, botkegoahtá Sápmi jaskatvuođa, čállet sii.

- Advertisement -
-Almmuhus-