Ođđa sámi skearru almmu­huvvon

Bernt Mikkel Haglund almmuhii skearru «Čuvge munnje» duorastaga borgemánu 27. beaivvi. 

Skearrus leat mielde juoigit nugo Aslak Anders J. Gaino, Berit A Persdatter Bongo, Iŋgor Nila ja Berit Inger Anne Eira Buljo. Artisttat Annbjørg Hætta ja Inger Gaup leaba maid mielde.

Olu luođit ja lávlagat skearrus leat juo almmuhuvvon maŋimuš jagi, ja Haglund čállá preassadieđáhusas ahte dat leat váldon bures vuostá sihke preassas ja guldaleddjiin.