Sámegielagiin lea maid dárbu sámegiela veahkkeneavvuide. Dál leage ilbman ođđa sámegiel-áppa.
«Sámi synonymat» áppii lea vuođđun Jovnna-Ánde Vest girji «Sámi synonymat», mii álmmuhuvvui 2005:s.
Áppas lea vejolaš ohcat sihke váldosániid ja synonymaid. «Sámi synonymat» áppas galgá álkit gávdnat máŋggaid duháhiid synonyma sániide.
Áppa lea John Anders Sikku ráhkadan, Jovnna-Ánde Vest lea leamaš veahkkin ja Sámediggi lea ruhtadan prošeavtta.
«Sámi synonymat» áppa ii leat vuos viežžanláhkai Android telefuvnnaide, muhto sáhttá nuvttá viežžat App-Stores. Sikku čállá preassadieđáhusas ahte Android telefuvnnaide lea boađi boađi áppa.
