Ođđa sámediggedirektevra:– Ohcalan mánáid ja guoimmi, muhto buorre lihkus dát lei dakkár maid mii bures leimmet ovdagihtii hupman
Inger Máret Eira Åhren (46) dat lea ođđa sámediggedirektevra. Son lea ovddeš buohccedivššár ja ovddeš ollesáiggepolitihkkár. Son lea boazodoalli, golmma máná eadni, eamit ja son ássá bearrašiinnis Lulli-Sámis. Son rahpasit muitala movt mánáid ja isida lei guođđit Lulli-Sápmái go ieš čavgii Kárášjohkii. Son rahpasit muitala makkár jurdagat sus leat ođđa eallimii.