-Almmuhus-
OĐĐASAT Ođđa Š-bláđđi  

Ođđa Š-bláđđi  

-

-

Iđut-lágádus almmuha dán jagáš njealját Š nuoraidbláđi. 

Ođđa Š-bláđis muitala ráppár ja lávllačálli Nils Rune Utsi dahje SlinCraze áhččerolla birra ja mo buozalmasvuohta lea váikkuhan su eallimii maŋimuš jagi. 

Artistta Fred-René Buljo dadjá ges jearahallamis ahte mii fertet eambbo hállat psyhkalaš dearvvašvuođa birra. 

Š-bláđis beasat maid oahpásmuvvat ođđa sámi ofelaččain Aina Haugon Nordfjellain gii maiddái lea Norge Rundt prográmmajođiheaddji NRK:s dán čavčča. 

Nuoraidmagasiidna čalmmustahttá maid Sámi nammaárbevieru ja iská man dábálaš dát lea sámi nuoraid gaskkas. Guovdageaidnulaš Tráktor-Máhte Mette Alva lea geavahišgoahtán iežas sámi nama sosiála mediain. 

Š-bláđđi almmuhuvvo guđa geardde jagis ja bláđđi sáddejuvvo nuvttá 1206 nurrii 73 skuvllas. Boahtte Š-bláđđi almmuhuvvo skábmamánus. 

- Advertisement -
-Almmuhus-