Iđut-lágádus lea almmuhan dán jagi vuosttaš Š Nuoraidmagasiinna.
Guokte jagi lea covid-19 stajidan máilmmis. Š-bláđđi lea ságastallan golmmain sámi nuorain dan birra. Ánne-Lájllá (18) mielas leamaš buot váivvimus go eat leat beassan deaivvadit sámi doaluin. Nora Kristina (23) lea vásihan ahte sáhttá doaimmahit olu bargguid neahta ja e-poastta bokte ja Eivind (23) ges oaivvilda ahte ii leat dárbu buorástahttit nubbi nuppi, su mielas sáhttá dearvvahit eará láhkai.
Š-bláđđi lea maid deaivvadan 14-jahkásaš Julia Karen Olea Paulseniin. Sus leat olu doaimmat, skuvlla lassin vuojada, lávlu ja čuojaha hárppa. Son muitala nuoraidmagasiinnas mo lea leat nuorra julevsápmelažžan Ájluovttas.
Muđui sáhttá maid lohkat guovdageaidnulačča Sárá Gáren Ánne Nilut (22) birra gii lea fárren Bådåddjui studeret. Doppe beasai searvat Sámi Grand Prix cover-konsertii.
Š-bláđis lea maid nuoraidmagasiinna divššár Ánne-Hedvig vástidan gažaldagaide.
Š almmuhuvvo 4 geardde jahkái. Š-bláđđi lea sáddejuvvon 1334 nurrii 76 skuvllas. Š sáddejuvvo nuvttá skuvlanuoraide Norggas geain lea sámegiella fágan oahpahusas. Boahtte Š almmuhuvvo miessemánus.
