Ann Mari Aamot láidesta dál Dáiddaskuvlla maŋŋil go Eva Aira lea heaitán.
Ann Mari Aamot láidesta dál Dáiddaskuvlla maŋŋil go Eva Aira lea heaitán.
Borgemánu 1. beaivvi rájes lea Kárášjoga Dáiddaskuvllas ođđa bargoveahka. Dan dieđiha dáiddaskuvla preassadieđáhusas.
Eva Aira heaitá rektorin, ja Ann Mari Aamot álgá rektorin.
Aamot lea govvadáiddár, adjunkta ja ekonoma. Son bargá dál Trastad Samlinger og Outsider Art Street Gallery:s, Hársttákas.
Dáiddaoahpaheaddji
Dasa lassin álgá maid ođđa dáiddaoahpaheaddji dáiddaskuvlii.
Oahpes namma; Linda «Zina» Aslaksen, gii ovttas Anders Sunnain lea olu prosteastadáidaga ráhkadan maŋemuš jagiid.
Son lea eret Kárášjogas, muhto lea Englánddas ássan olu jagiid. Dál son ássá Álttás, ja lea barggus Sisa kulturguovddážis.
