-Almmuhus-
-Almmuhus-
-Almmuhus-
SMÁVVAOĐĐASATOđđa prošeakta Álttá Sámi Giella­guovddážis

Ođđa prošeakta Álttá Sámi Giella­guovddážis

-

-

Sámiin leat gávcci jahkodaga. Jahkodagat leat čadnon bohcco lundui ja boazodoallobargguide. Álttá Sámi Giellaguovddáš lea dán čavčča álggahan prošeavtta jahkodagaid birra.

– Prošeavtta ulbmil lea ahte galget oahppat ja vásihit sámi gávcci jahkodaga, doaimmaid bokte mat árbevirolaččat gullet iešguđetge jahkodagaide, čállá prošeaktajođiheaddji Máret J. Heatta preassadieđáhusas.

Prošeakta heive buohkaide geat háliidit sámástit, ja oahppat eambbo. Dán jagi vuosttaš deaivvadeapmi lea Áisaroaivvis, golggotmánu vuosttaš beaivvi. 

Dál lea čakča, ja dáid mutto badjeolbmot álget njuovvat. Vuosttaš deaivvadeamis lea gárddástallan fáddán, ja oasseváldit galget ge fitnat gárdde luhtte gos ohppet njuovvat ja ávkkástallat bohcco sihke biebmun ja ávnnasin.

Prošeaktajođiheaddji dieđiha ahte sii láigohit busse mas lea sadji 50 olbmui, ja vuosttaš vihttalogi geat dieđihit besset fárrui. 

-Almmuhus-