Sámedikki Bargiidbellodaga ođđa parlamentáralaš jođiheaddji lea Marit Kirsten Anti Gaup.
Sámediggepresideanta Vibeke Larsen nammadii mannan bearjadaga njealját ráđđelahtu, badjeolbmo ja Bargiidbellodaga parlamentáralaš jođiheaddji Per Mathis Oskala sámediggeráđi ođđa ráđđelahttun.
Marit Kirsten Anti Gaup válljejuvvui ođđa parlamentáralaš jođiheaddjin.
Ođđa ráđeláhttu
Per Mathis Oskal gullá Gáisá válgabiirii, ja lea doaibman Bb parlamentáralaš jođiheaddjin dan rájes go Vibeke Larsen šattai presideantan juovlamánus diibmá.
Larsen lea dan rájes geassádan Bargiidbellodagas ja doaibmá dál sorjáskeahtes presideantan.
