Dán jagi ledje 11 nuora geat háliidedje šaddat ođđa Sámi ofelažžan. Njealjis dáin leat válljejuvvon doaibmat ofelažžan boahtte skuvlajagi. Ođđa ofelaččat almmuhuvvojit Riddu Riđu festiválas Olmmáivákkis Gáivuona suohkanis, bearjadaga suoidnemánu 13. beaivvi dii.12.00.
Dán jagi ledje 11 nuora geat háliidedje šaddat ođđa Sámi ofelažžan. Njealjis dáin leat válljejuvvon doaibmat ofelažžan boahtte skuvlajagi. Ođđa ofelaččat almmuhuvvojit Riddu Riđu festiválas Olmmáivákkis Gáivuona suohkanis, bearjadaga suoidnemánu 13. beaivvi dii.12.00.
– Boađe fal almmuheapmái! Dán jagi lea mis veahá eanet šovva go ovdal leamaš, dadjá Henrik Halvari preassadieđáhusas, Sámi ofelaš skuvlajagi 2017/2018.
Sii leat jagi leamaš ofelaččat, ja bearjadaga galget Henrik Halvari, Dan-Jonas Danielsen Sparrok, Anne-Marja Jannok-Joma ja Maren Benedicte Storslett addit doaimma viidásit ođđa ofelaččaide.
Soaittán váillahit mátkkošteami
– Mun lean hui giitevaš go dán jagi lean vásihan. Lean ožžon máŋga ođđa vejolašvuođa. Ođđa ofelaččat gal duođaid besset illudit! Mun soaittán gal máid váillahit mátkkošteami dál go studeregoađán čavčča beallái, dadjá Maren Benedicte Storslett, Sámi ofelaš skuvlajagi 2017/2018.
Láidestit festivála
Maŋŋá almmuheami láidestit ofelaččat festiválagussiid eahketprográmma čađa.
Lávvardaga dahket ođđa ofelaččat dan seamma.
Lassin dollet maid ofelaččat dánsunkursa buohkaide festiválas lávvardaga dii. 12.00.
– Lea hui gelddolaš deaivvadit ođđa ofelaččaiguin, illudan hirbmadit. Mii eat dieđe vel geat sii leat, nu ahte lea gelddolaš oaidnit leat go sii dakkárat geat maid máhttet oahpahit dánsut sydisdánsuma vai eai, dadjá Anne-Marja Jannok-Joma, Sámi ofelaš skuvlajagi 2017/2018.
Muitalit sámiid birra
Departemeantta bealis oassálastá stáhtačálli Anne Karin Olli almmuheamis.
Sámi ofelaččaid doaimmaha Sámi allaskuvla ja Gielda- ja ođasmahttindepartemeanta (KMD) ruhtada doaimma.
Ofelaččat čađahit oahppu «Sámi kultur- ja servvodatmáhttu» (30 oč). Dasto mátkkoštišgohtet joatkkaskuvllaide ja eará nuoraiddeaivvademiide olles Norggas.
Sin váldoulbmil lea muitalit sámi kultuvrra ja servvodaga birra eará nuoraide Norggas, čállá Sámi allaskuvla preassadieđáhusas.
