-Almmuhus-
OĐĐASATOđđa oahppo­girji julev­sáme­giela vuosttaš­giela­giidda

Ođđa oahppo­girji julev­sáme­giela vuosttaš­giela­giidda

-

-

Lohkangirji «Guovsoj 2» lea vuođđoskuvlla nuppi luohká julevsámegiela vuosttašgiela ohppiid várás. 

Lea Solum Bokvennens lágádus mii almmuha Stig Gaelok lohkangirjji «Guovsoj 2» julevsámegillii. Dán  oahpponevvui gullet earret lohkangirji, maiddái bargogirji, digitála oahpaheaddji bagadeapmi ja jietnagirji ja nehttii leat maid ohppiide biddjon bargobihtát. 

– Dál lea lohkangirji julevsámegillii gárvánan. Dat eará oahpponeavvut almmuhuvvojit dán jagi, jagi 2021: Lohkangirji «Guovsoj 3» goalmmát luohkálaččaide geain lea julevsámegiella vuosttašgiellan, almmuhuvvo njukčamánus 2021:s, muitala Solum Bokvennen lágádusa redaktevra Per Jonas Kalvemo preassadieđáhusas.

«Guovsoj 2» lea vuosttaš ođđasat julevsámegiel lohkangirji mii lea ráhkaduvvon vuosttašgielat ohppiide nuppi luohkás ja lea dehálaš julevsámegiela giellaoahpaheamis. Trine Noodt lea dievva govaid girjái tevdnen ja girjjis lea álkes giella. Girječálli Stig Gaelok lea válljen áigeguovdilis fáttáid mat gusket mánáide. 

– Girjjis leat maid olu lávlagat maid čálli ieš lea čállán. Dáid lávlagiid sáhttá guldalit Solum Bokvennens læringsplattform dahje oahppolávddis, dalán go lávlagat leat báddejuvvon.

-Almmuhus-