-Almmuhus-
-Almmuhus-
OĐĐASATOđđa njoammumat Romssas

Ođđa njoammumat Romssas

-

-

Oktanuppelohkái ođđa njoammuma Romssas. Guokte olgobáikki čatnon njoammumiidda. 

Lávvardaga duođaštuvve 11 ođđa covid-19  njoammuma Romssas.

– Eanas dain ođđa njoammumiin lea lagasoktavuohta ovdalaš njoammumiidda, mat leat čatnon studeantabirrasii ja Driv nammasaš olgobáikái. Dat  mearkkaša ahte mis lea ain kontrolla njoammumis, dadjá suohkana váldodoavttir Kathrine Kristoffersen.

Olgobáikkit

Muhtimat geain lea duođaštuvvon dávda leat galledan olgobáikkiid Romssas daid maŋimuš beivviid. Olbmot geat leat leamaš dain báikkiin berrejit bures áicat ožžot go dávdamearkkaid, ja jus ožžot de lea dehálaš váldit iskosa.

Leat go leamaš dáin olgobáikkiin:

Prelaten, duorastaga geassemánu 3.b, áigodagas gaskal dii.23:00-24:00 

Walter & Leonard, bearjadaga geassemánu 4.b,  áigodagas gaskal dii.15:00-18:00

-Almmuhus-