-Almmuhus-
OĐĐASATOđđa máksoortnet jus vuohttá guovžža ja geatkki

Ođđa máksoortnet jus vuohttá guovžža ja geatkki

-

-

Fylkkamánni lea ráhkadan ođđa máksoortnegiid jus vuohttá dahje oaidná guovžža ja geatkki.

Leat go vuohttán, govven dahje gávdnan guolgga dahje baikka muhtun stuora boraspires Romssas dahje Finnmárkkus, de berret dieđihit Stáda Luonddubearráigehččui (SNO), go de sáhtát oažžut mávssu dan ovddas. Dan máksá Fylkkamánni.

Registreret ráfáiduhtton boraspiriid lea dehálaš oassi Norgga boraspirehálddašeamis. Olu registreren dahkko eaktodáhtolaččat.

 

Ođđa ortnet

Fylkkamánni lea ráhkadan ođđa máksoortnegiid das mii guoská guvžii ja geatkái.

Ovdal ođđa ortnegiid, de ledje máksoortnegat ná:

 

Guovža

  • Vuorbáduvvo vuoitu sin gaskkas geat leat buktán earret eará guolggaid (DNA).
  • Diehtu easteguovžža birra mas okta dahje eambbo čivggat, maid hálddašeapmi ii dovdda, addá 10 000 ruvdnosaš mávssu (vearrogeatnegáhtton) jus SNO sáhttá maŋŋel iskkadeami duođaštit dan.

 

Geaŧki

  • Cavgileapmi mii dagaha ahte čivgageatki gávdno guovllus man hálddašeapmi ii dovdda ovdalaččas dagaha 15 000 ruvdnosaš mávssu (vearrogeatnegáhtton).
  • Dát eaktuda ahte báiki dárkkistuvvo ja SNO dokumentere čivgga.

 

Ođđa ortnet:

 

Geatki

  • Cavgileapmi mii dagaha ahte dokumenterejit geatkečivgga/ciikku mas leat čivggat maid hálddašeapmi ii dovdda, sáhttá dagahit 15 000 ruvdnosaš mávssu.
  • 1 500 ruvdnosaš mávssu vuosttaš DNA-iskosis mii dokumentere oahpes/amas indiviida geatkkis juohke jagi.

 

Guovža

  • 1 500 ruvdnosaš máksu vuosttaš DNA-iskosis mii dokumentere ovddeš oahpes indiviida guovžžas juohke jagi.
  • 3 500 ruvdnosaš máksu vuosttaš DNA-iskosis mii dokumentere ovddeš amas indiviida guovžžas. 

 

Gonagasgoaskin

  • 5 000 ruvdno jus dieđiha gonagasgoaskinbeasi man hálddašeapmi ii dovdda ovdalaččas.

 

NIBIO lea ovddit vahkku bidjan nu gohčoduvvpon «Bjørnehårfelleriid» Kárášjohkii, kárten dihte guovžžaid Kárášjogas, mii lea ovttasbargu prošeavttain Ealahus ja boraspiret Finnmárkkus.

-Almmuhus-