-Almmuhus-
MAGASIIDNAOđđa luohteskearru

Ođđa luohteskearru

-

-

Otne lea almmuhankonsearta Lákkovuonbeivviid oktavuođas. Ánte Mihkkal Gaup almmuha luohte-CD:a «Riddoguovlluin luođit / Yoiks from the coastal areas”.  Konsearta lea otne eahkes dii. 20.00. 

Ánte Mihkkal Gaup lea hárjánan ja dovddus juoigi. Son lea ovdal maid almmuhan luohteskearruid, sihke árbevirolaš ja iežas biddjon luđiid. 

Dán CD:s maid dál almmuha, leat mielde dušše iežas biddjon luođit, sihke olbmuide, báikkiide ja eará áššiide riddoguovlluin.

Almmuhankonseartas juoiggasta Ánte Mihkkal muhtun osiid CD:s.  Čieža luohtái lea Bernt Mikkel Haglund bidjan ja heivehan musihka.

Josef Halse ja Øistein Hanssen oassálastiba mielde čuojaheaddjiin. 

Iŋgor Ántte Nils Pedar/ Nils Peder A. Gaup lea CD:s guossejuoigin, guvttiin iežas biddjon luđiin. Son ja Josef Halse galgaba maid oassálastit almmuhankonsearttas, man maŋŋil lea vejolaš oastit CD:a.

Muđui lea CD vuovdimassii gávppiin dat otná rájes, ja digitála hámiin ges 15.09. rájes.

-Almmuhus-