-Almmuhus-
SMÁVVAOĐĐASATOđđa luoddanamma­evttohusat Guovda­geainnu suohkanis

Ođđa luoddanamma­evttohusat Guovda­geainnu suohkanis

Journalista

-

-

Dál lea Guovdageaidnu suohkan sádden gulaskuddamii ođđa luoddanamai evttohusaid.

Proseassa gávdnat luoddanamaid Guovdageainnu luottaide lea leamaš jođus 2020 rájes. Álgovuorus bivddii suohkan álbmogis evttohusaid luoddanamaide. Muhtin luottaide bohte nammaevttohusat, ja eará luottaide eai boahtán. Doppe gos bohte cealkámušat, lea suohkana nammakomitea evttohan ovtta.  

– Luottaide maidda eai leat boahtán evttohusat, lea suohkana nammakomitea evttohan namaid. Muhtin luottaide lea leamaš lunddolaš geavahit guovllunama luoddanamma, ja ovdamearkka dihte Hánnomarrasa ealáhusguvlui evttohuvvon luoddanamat main leat loddenamat, go seamma guovllus leat máŋga eará luotta main leat loddenamat, čállá Guovdageainnu suohkan.   

Go gulaskuddanáigi nohká, ráhkada nammakomitea loahpalaš mearrádusevttohusa, ja ovdagoddi dohkkeha luoddanamaid. Gulaskuddanáigi lea guovvamánu 24. beaivvi  2023.

-Almmuhus-