-Almmuhus-
-Almmuhus-
OĐĐASATOđđa leakto­njuolgga­dusat čáhce­vuojániidda

Ođđa leakto­njuolgga­dusat čáhce­vuojániidda

Journalista

-

-

Johtolatdepartemeanta dieđiha ahte miessemánu 15. beaivvi 2021 biddjojuvvojit fápmui ođđa mearraleaktonjuolggadusat. 

– Ástoáigefanasvuodjin buktá olusiidda ilu. Lea dehálaš muittuhit ahte maiddái meara alde ferte doallat leaktorájáid, vai buohkat sáhttet johtit dorvolaččat. Mun ávžžuhan buohkaid luđet dahje láđet «Båtfart» nammasaš appa man Riddodoaimmahat lea ovdánahttán, mii lea buorre veahkkereaidu mas oaidná iešguđet guovlluid leaktorájáid, lohká johtolatministtar Knut Arild Hareide preassadieđáhusas. 

Ođđa njuolggadusa oppalaš gáibádus lea ahte juohke čáhcevuojána vuoddji galgá leat áicevaš ja heivehit leavttu dilálašvuođa ektui. Ii leat lohpi vuodjit johtilabbot go 5 knohpa dahje 9,26 km/t lagabut 50 mehtera gálašeaddjis dahje gálašanmearkkas. Lea maid gielddus áŋkorastit dahje johtit mohtor- ja borjjasteaddji fatnasiin almmolaš gálašanbáikkiin. Jus rihkku dan njuolggaduša, de sáhttá oažžut álkit sáhku ođđa njuolggadusaid mielde. Báikkálaš njuolggadusat leat fámus 01.01.2022. 

-Almmuhus-