Eanadoallo- ja borramušdepartemeanta lea odne mearridan ođđa láhkaásahusa mii guoská heahtegearggusvuođa erenomáš doarjagii.
Eanadoallo- ja borramušdepartemeanta ja Norgga Boazosápmelaččaid Riikkasearvi šadde ođđajagemánu 28. beaivvi 2022 ovttaoaivilii ahte láhkaásahus geassemánu 20. beaivvi 2019 nr. 852 – erenomáš doarjja heahtegearggusvuhtii galgá heaittihuvvot. Das galgá jođánit biddjot ođđa láhkaásahus mii guoská heahtegearggusvuođa erenomáš doarjagii. Šiehtadanbealit šadde ovttaoaivilii mo doarjja heahtegearggusvuhtii galgá meannuduvvot ođđa láhkaásahusas.
Šiehtadanbealit leat ovttaoaivilis ahte vuogádat heahtegearggusvuhtii lea buorre vuođđu gieđahallat guohtunheahtedili mii lea šaddamin iešguđetge guovlluin. Vai láhčet dili álkes doarjjameannudeami vai guovllut ožžot ruđaid jođánit, de šadde ovttaoaivilii ahte doarjja fievrriduvvo guovllu gearggusvuođafondii.
Šiehtadanbealit šadde ovttaoaivilii ahte dáhpáhusain go guovllut leat juo sádden ohcamuša oažžut erenomáš doarjagá heahtegearggusvuhtii, de galget ohcamušat meannuduvvot ođđa láhkaásahusa mielde.
