Lotteriija ja vuođđudusbearráigeahčču hálddaša ođđa juolludanortnega.
Lotteriija- ja vuođđudusbearráigeahčču galgá jagi 2022:s ja 2023:s hálddašit ođđa juolludanortnega mii galgá loktet beroštumi girjáivuođa- ja searvadahttindoaimmaide valáštallamis ja fysalaš doaimmaide. Doarjja sáhttá juolluduvvot prošeavttaide dahje geardedivadiidda.
Ohcanáigemearri lea geassemánu 13.beaivvi diibmu 13.00, čállá Lotteriija- ja vuođđudusbearráigeahčču.
Doaimmat galget leat dán ulbmiljoavkku várás:
– Mánáide ja nuoraide geat leat gaskkal 6-19 jagi, geat leat bearrašis gos lea bistevaš unnán dienas.
– Nieiddaide gaskkal 6-19 jagi geain lea minoritehtaduogáš, ja nieiddaide gaskkal 6-19 jagi geat leat unnitlogus dahje vásihit erenomáš cakkiid.
– Doaibmavádjit olbmuide. Dán ulbmiljoavkkus ii leat ahkemearri.
– Dálá ja boahttevaš nuorra nieidajođiheddjiide ja hárjeheddjiide dassážii go devdet 26 jagi, doaibmavádjit olbmuide dahje olbmuide geain lea minoritehtaduogáš.
Eaktodáhtolaš searvvit, organisašuvnnat, astoáiggesearvvit dahje nuoraidviesut sáhttet ohcat doarjaga. Valáštallan ja fysalaš doaibma sáhttá leat sihke organiserejuvvon ja iešorganiserejuvvon, nu go ovdamearkka dihte olgoáibmodoaibma.
Eambbo dieđuid ođđa juolludanortnega birra gávnnat dás.
