Ođđa oahpahusvuohki vuođđuduvvon jierbmedutkamis lea addán buriid bohtosiid mánáid johtolatáddejumi ovdánahttimis.
– Mánát geavahedje VR-čalbmelásaid main lea vuogádat čuovvut čalmmiid, mii registrere mánáid čalbmelihkademiid, áicančuoggáid ja áicanáiggi. Dát dagahii ahte lei vejolaš analyseret mánáid áicilvuođa ja áddejumi dilálašvuođain, čilge SINTEF-dutki Dagfinn Moe preassadieđáhusas.
Ulbmil prošeavttain lea leamašan ovdánahttit pedagogalaš lágideami mii galgá buoridit mánáid áicilvuođa, návcca orienteret, árvvoštallat risiko ja mearridit leavttu go leat jođus sihkkelin johtolagas.