-Almmuhus-
-Almmuhus-
-Almmuhus-
OĐĐASATOđđa jođiheaddji

Ođđa jođiheaddji

-

-

Sápmi Ealáhusguovddáš lea ožžon ođđa beaivválaš jođiheaddji. ­Solveig Ballo lea álgán virgái go Marianne Balto bázii ealáhahkii.  

– Mun lean eret Deanus. Go válden masteroahpu servvodatekonomiijas, de ledjen moadde jagi Finnmárkku fylkkagielddas barggus. Lean maid bargan Sámedikkis 2009 rájes, ja lassin lean vel mieleaiggát Fávlemohkki searvedoallu DA:s, mii lea bearašfitnodat, muitala Ballo iežas birra. 

 

Gelddolaš fitnodat

– Dá lea gelddolaš fitnodat mii lea searvválaš. Mun lean maid álo beroštan ealáhus- ja servvodatovdaneamis.
Nana ealáhusdoaibma buktá positiivvalaš lassiváikkuhusaid, dadjá Ballo go muitala manin son válljii dán barggu. 

 

Ođđa beaivválaš jođiheaddji muitala maid ahte sis lea maid kultuvra ja giellamáhttu, ja fitnodagat leat bures boahtimat sin lusa oažžun ráđđeaddima sihke dárogillii ja sámegillii. 

 

– Lean leamaš barggus dál dušše ovtta beaivvi, ja áiggun vuosttaš áiggi barggus bidjat dasa ahte oahppat ja oahpásmuvvat ealáhusguovddáža prográmmii.
Muhto 20 jagi geahčen jáhkán ahte mis lea čoavddarolla ealáhusdoaimmas ja mis lea regiovdna mii lieđđu, loahpaha ođđa beaivválaš jođiheaddji go čilge gos oaidná Sápmi Ealáhusguovddáža 20 jagi geahčen.

 

-Almmuhus-