-Almmuhus-
-Almmuhus-
KULTUVRA Ođđa jođiheaddji láidesta viidásit

Ođđa jođiheaddji láidesta viidásit

-

-

«Sørøyrocken», mii lágiduvvo Sállanis geasset, lea virgádan ođđa festiválajođiheaddji.

Sørøyrockena stivra lea virgádan Nikolaj Nordbak Gloppena festiválajođiheaddjin. Son joatká bargguin maŋŋel go Ken A. Brox heaitá festiválajođiheaddjin ovttas beaivválaš jođiheddjiin Kristin Alvestadain. Goappašagat leaba leamašan mielde álggu rájes, ja stivra lea dál mearridan bidjat oktii dán guokte virggi oktan virgin.

 

Stivre fatnasa

– Nordbak Gloppen lea buoremus almmái min festiválii, go su máhtuin ja hárjánemiin sáhttá son ain láidestit festivála rievttes guvlui, čállá stivra preassadieđáhusas.

Gloppen lea aktiiva leamaš guhkit áiggi Čáhcesullo kulturealáhusas. Son álggii smávva teknihkkabargguiguin iešguđet kulturbuvttademiin, ja beroštišgođii kulturáššiin. Juste dál lea Nikolaj Nordbak Gloppen studereme kultuvrra ja ealáhusa BI Gávpeallaskuvllas Oslos.

- Advertisement -
-Almmuhus-