-Almmuhus-
-Almmuhus-
OĐĐASAT Ođđa iskkadeapmi čájeha sohkabealerohusa mánáin ja nuorain

Ođđa iskkadeapmi čájeha sohkabealerohusa mánáin ja nuorain

-

-

Lea sohkabealerohus go mánát ožžot lobi váhnemiin geavahit digitála reaidduid, boahtá ovdan dán jagáš váhneniskkadeamis man Mediabearráigeahčču lea čađahan. Eanaš bártnážiin leat speallankonsolla ja VR-čalbmeláset, smart-diibmu ja neahttabreahtta leat dábáleappot nieiddažiin. 

– Lea miellagiddevaš oaidnit erohusa sohkabeliin dán birrasis. Nieiddaid ja bártniid erohus lea čielggas go lea sáhka dihtor-reaidduin, lohká Mediabearráigeahču direktevra Mari Velsand. 

Váhnemat, geain leat mánát gitta 17-jahkásaččaid rádjái, leat vástidan Mediabearráigeahču iskkadeami. Iskkadeapmi čájeha ahte guđas juohke logát bártnážis, geat lea gaskal viđa- ja gávccejahkásaččat, lea speallanreaidu man sáhttá TV:i goallostit, ja njealjis juohke logi nieiddažis, geat lea gaskal viđa- ja gávccejahkásaččat. Dan rájes go mánát leat ovccejahkásaččat dahje boarráseappot, de lassána sohkabealerohus. Ovccis logi bártnážis, gaskal ovcce- ja 17-jahkásaččain, lea speallanreaidu, ja nieiddažiin fas guđas logi seammaáhkasaš nieiddažiin. 

– Mii oaidnit mánáin ja mediaiskkadeamis ahte leat eanet bártnit go nieiddat geat spellet dihtorspealuid. Dasa sáhttet leat máŋga ákka, muhto jus mánát eai leat ožžon daid iešguđetlágan speallanreaidduid, de sáhttá dat maid váikkuhit, lohká Velsand.

Váhneniskkadeapmi čájeha maid ahte smart-diibmu dahje diimmut maiguin sáhttá riŋget, leat dábáleappot nieiddažiid gaskkas. 20 proseantta nieiddažiin, gaskal viđa- ja gávccejahkásaččat, lea diibmu mainna sáhttá riŋget. Dušše 15 proseantta bártnážiin lea dat. 

– Eanas váhnemat orrot oaidnime dárbbu addit mánáide smart-diimmu go álget skuvlii dahje vuosttaš jagiid mánáidskuvllas. Min logut aŋkke eai čájet ahte diibmu lea nu bivnnut, lohká Velsand.

– Váhnemat eai berre luohttit 100 proseantta dan diibmui, ja mánát eai dieđus nu suddjejuvvo diimmuin mainna váhnemat sáhttet olahit sin. Šiehtadus gos mánná galgá leahkit ja goas son galgá ruovttus lea goitge dehálaš. Váhnemat fertejit aŋkke ipmirdit diimmu šiehtaduseavttuid ja sihkarvuođaid, lohká Velsand. 

-Almmuhus-