-Almmuhus-
SMÁVVAOĐĐASATOđđa hávla­láhka bivddus

Ođđa hávla­láhka bivddus

-

-

Dál fertejit sihke rievssatbivdit ja loddejeaddjit geavahišgoahtit eará láttaid go ladjoláttaid bivddus.

Guovvamánu 15. beaivvi rájes ii leat šat lohpi atnit ladjohávllaid bivddus njeaššeguovlluin. Dat mearkkaša praktihkalaččat ahte bivdit fertejit earálágan láttaid atnigoahtit measta buot bivdodiliin.

– Lea váttis leahkit áibbas sihkar ahte bivddu oktavuođas leat čađat eambbo go 100 mehtera eret njeaššeguovllus, ja danne mearkkaša ođđa njuolggadus ahte bivdit obbalaččat fertejit eará ammunišuvnna atnit bivddus sihke meahcis ja váris, dadjá Birasdirektroáhta direktevra Ellen Hambro preassadieđáhusas.

Ođđa láhka gusto sihke dasa ahte ii leat lohpi báhčit ladjohávllaid iige leat lohpi guoddit ladjohávllaid mielde go vánddarda 100 mehtera eret dahje siskkobealde njeaššeguovlluid.

Láhka gusto maid sihke bivddus ja báhčinšiljus.

-Almmuhus-