-Almmuhus-
-Almmuhus-
OĐĐASAT Ođđa Hámmárfeasta buohcceviessu boktá fuomášumi

Ođđa Hámmárfeasta buohcceviessu boktá fuomášumi

-

-

Ođđa Hámmárfeasta buohcciviessu dahká fuomášumi ja ođđa buohcciviessu lea oassi historjjálaš dáhpáhusas Finnmárkkus. 

Čakčamánu 26.beaivvi meannuda Finnmárkkubuohcceviesu stivra ođđa Hámmárfeasta buohcceviesu.

Ráđđehus attii 2019 stáhtabušeahtas vejolašvuođa huksegoahtit ođđa buohcceviesu Hámmárfesttii.

Dohkkehus ruhtadeamis almmuhuvai dearvvašvuođaministtaris Bent Høie čakčamánu 27.beaivve 2018.

– Leat bidjon olu návccat bargiin, geavaheddjiin, luohttámušolbmuin ja suodjalusáittardeddjiin. Boađus mii dál lea, dat lea sin searaid dihte. Dat šaddá erenomáš prošeakta ja mis galgá leat ovttasbargu UiT;ain, gielddain ja Finnmárkkubuohcceviesuin, gos mii čohkket bálvalusaid ja geavahit kapasitehta ja gelbbolašvuođa, dadjá direktevra Eva Håheim Pedersen.

 

Investeret 4,5 miljárdda

Dál jo boktá ođđa Hámmárfeasta buohcceviessu fuomášumi.

Sykehusbygg HF geavaha dan ođđa buohcceviesu dego referánsaprošeaktan eará ođđa buohcceviesuide.

– Ođđa Hámmárfeasta buohcciviessu lea oassi ovtta historjjálaš bajideamis, mii guoská dearvvašvuođafálaldagas Finnmárkkus. Girkonjárgga buohcciviessu, Klinihkka Áltá, Sámi Klinihkka ja dál maid ođđa Hámmarfeasta buohcciviessu. Oktiibuot de investeret birrasii 4,5 milliardda ruvnnu spesialistadearvvašvuođabálvalussii. Dat ii leat goassige geavvan ovdal, dadjá Eva Håheim Pedersen Finnmárkku Buohcciviesu preassadieđáhusas.

- Advertisement -
-Almmuhus-